خطف القبطية اماني مجدي موسي

اسمها اماني مجدي موسي من زفتي وهيا في كلية تربيه بيولجي سنه رابعه خرجت يوم الخميس وراها امتحان وباباها بيوصلها الموقف كالعاده وهيا لما بتوصل بترن عليه وصلت ورنت عليه وخلاص كده باباها اطمن انها المفروض في امتحانها بيرن عليها بعد الامتحان تليفونها اتقفل كل شويه يرن مفيش جديد يرن علي اصحابها محدش يرد واللي يرد لحد ما عرف انها مدخلتش الامتحان طلع علي القسم قالوله روح دور في المستشفيات جايز عملت حادثه راح ورجع قالوله اعمل محضر في قسم زفتي مع ان الوقعه في بنها يعني المفروض يعمله في بنها رئيس المباحث عرف انها اتخطفت لما عم مجدي باباها قاله في ولد بيطاردها زميلها اسمه محمود احمد ابو زيد من بلد اسمها شيموت ناس زمايلهم شافوه شايل موبايلها وبيشيل من الخطوط وبيكسرها انكر الاول وبعد كده قرروه قدام رئيس المباحث اللي لما عملنا المحضر انكر كل ده ومرضاش يجيب سيرة عمه وولاد عمه لموقفهم الحساس كونه لواء عالمعاش وولاده الاتنين ظباط اللي يعتبر هو واخدهم غطاء ليه باباها قعد يوم كامل مع رئيس المباحث اللي وعد انه يرجعها وانه عارف مكانها وقعد يحلف بالكلام ده باباها روح الفجر وراح تاني يوم بعد الصلاه زي ما الراجل وعده مشوه من القسم وقالوله يعمل محضر في زفتي مشينا علي مديرية امن القليوبيه زي ما عميد شرطه مسيحي نصحنا روحنا الراجل استدعا رئيس المباحث وعمل المحضر ومرضاش يذكر فيه انه الواد اعترف قدامه انه كان شايل تليفونها وانه عمه وولاد عمه ظباط اهل البلد جم باتوبيس قدام مديرية الامن وعربيات كتير ملاكي ووقفو قدام المديريه بعت مدير الامن خد اتنين وانا منهم فهمناه الوضع وعد انه يجيبها وحلف بس بشرط الناس اللي تحت دي تمشي نزلنا اقنعنا الناس تقعد في جمب كده وفضلو يماطلو فينا يومين لحد ما مدير الامن قال لبابا وعم مجدي روحو رئيس المباحث عايزكو اللي المفروض كان بيجيبها ففهمو انها جت راحو القسم نائب المامور قابلهم قالهم لا مفيش حاجه من الكلام ده شدينا معاه هو شغل عيال انتو بتعملو كده ليه قالنا البنت بتحبه وهو بيحبها واها مشيت بمزاجها واشهرت اسلامها في الازهر وقدام نيابة طوخ وان هيا عدت سن الرشد ومسئوله عن قرارتها انا مكنتش مصدق انها تعمل كده خصوصا ان عارف بيتهم عامل ازاي واخواتها كلهم كويسين خريجين السن وهندسه وصيدله وهيا كانت تربيه بيولجي والصغيره ثانويه عامه ومنهم بنت راهبه بس قولت هو الراجل هيتبلي عليها يعني روحنا زعلانين باباها كلم طلب صورة المحضر اللي نائب المامور رفض يديهوله مع ان حقه ياخده قاله طيب هات رقم حكم النيابه اخده وطلع علي النيابه تاني يوم لاقاها خناقه ملهاش دعوه بالواقعه دي راح الشهر العقاري ملقاش حاجه بالاسماء دي راح الازهر قاله لازم امر من امن الدوله ومفيش اي جهه رسميه اعلنت انها اسلمت واشهرت اسلامها زي ما كذبو علينا اهل البلد والبلاد المجاوره طلعو اتوبيسات علي الكاتدرائيه وراحو قعدو يومين لحد ما باباها ومامتها قابلو قداسة البابا وقالهم هي مسالة وقت بس ومن ييومها لحد انهارده مفيش جديد وباباها مش طالب اكتر من انهم لو كلامهم صح وده طبعا مستحيل بس خليه كده يعني ابسط حقوقه يشوفها وتقوله هيا كده وتمشي لا هتزودهم ولا هتنقصنا انما هو مبيبطلش عياط لا هو ولا مامتها وحاسين انهم متكتفين في دوله عقيمه مفيش فيها حق بيرجع لاصحابه وبالزات المسيحين الشو والواجهه قدام الناس بره ان السيسي بيحضر بنفسه الاعياد وبني الكاتدرائيه الجديده لكن بيحصل عدم احترام وقلة قيمه لنا علشان مش ظاهرين